منتديات جوهرة سوفت - Jawhara-Soft Forums منتديات جوهرة سوفت - Jawhara-Soft Forums

العودة   منتدى التعليم التونسي (Jawhara-Soft) > التعليم و الثقافة > خواطر و مقالات أدبيّة
خواطر و مقالات أدبيّة بخفق الورق و رحابة الحرف نرتقي إلى أكوان الرحابة .. قصة ، شعر ، فلسفة ، خواطر و مقالات أدبيّة


إضافة رد
 
أدوات الموضوع انواع عرض الموضوع
قديم 2012-06-19, 00:12 رقم المشاركة : 1



Yes الطبال يضرب وبومزيود خدام والامور هانية.



الطبال يضرب ..والمزود خدام والامور هانية ..تي علاش يرهبوا فينا ؟ وبناومن الحبة قبة ؟ خوفونا من السلفيين ..لدرجة وصلت لحد بث الرعب والذعر في نفوس الصغار والكبار ..لدرجة خدم فيها الفوتوشوب وعبث بمشاعرنا ومشاعر اخوتنا اللي حدهم حد ارواحهم ومستكفين بانفسهم ..هيا ياسيدي يا بن سيدي اشكون منكم ماهوش قاعد يسمع في الطبال يضرب وبومزيود خدام والقصبة والزكرا عاملة بعمايلها وزادت على ماوصاوها ؟ ما نحكيش على الفرق الموسيقية في القاعات الخاصةوالنزل وقاعات البلديات ..تي ماهم قالوا ودعوا وامسح مات على ايامات بوعنبة ؟ تي موش قالوا السلفيين متحزمين ومحضرين للتوانسة وسهرياتهم ومهرجاناتهم وبحوراتهم وشطوطاتهم مفاجات غير سارة ؟ وباش يفسدوا الافراح والليالي الملاح ؟ هاني كل ليلة انبات ساهر غصبا عني على ايقاع الموسيقى والطبلة تشرقع ومضخمات الاصوات التي تجاوزت سرعتها الطيارات النفاثة ..وينهم السلفيين والارهابيين و اللي يقولوا عليهم صارمين باش يمنعوا العائلات والاسر من تقاليدهم وعوايدهم ؟ المجتمع التونسي اللي تعود على السهريات والشطيح والرديح واضرب ها الحمدي وسيبني خلنشتح وبرا ربي معاك ..الفزاني والصالحي كيف العادة والعوايد وربي لايقطع علينا عادة ..ناس فارحة وناس ناسية همومها ومشاغلها وجمعتها المناسبات السعيدة امتاع وطيات وعروسات وطهورات واش يقول فمي ..اي اشبيه حرام باش الواحد يفرح في البلاد ؟ قالوا في اذاعات قالوا وحذروا التوانسة لدرجة الصغير اللي يشوف اخ سلفي طليق اللحية متعدي بحذاه يركش وراء ظهر امه وعده باش يبكي ويقول امي يا امي سلفي ؟ ردوه السلفي اللي يخاف ربي عبيثة تخوف الشناتة ؟ يرهبوا فينا وفي صغارنا ويشعلوا في نار الفتنة وقريب لا ردوها تونس افغانستان ..اي يا سادة يا اعداء الشعب واعداء المجتمع واعداء الدين الظاهر ما يرعب ويرهب ويخوف ابناء البلاد كان انتوما ..انتوما اعداء الحرية واعداء الامن والاستقرار واعداء التعايش السلمي والمحبة والسعادة ..واللي تتهموا فيهم طلعوا خاطيهم العنف وخاطيهم الارهاب وخاطيهم الاعتداء على الغير ..الى حد اليوم لا شفت ولاسمعت بيهم فسدوا فرح والا تدخلوا في حفلات افراح وسهريات عائلية وان كانت على ايقاع الفرق الشعبية المختلفة ..زايد الحديث الفروحات كيف ماكانت والاجواء حافلة وتونس وشعبها هانية والامور سلامات وعلى المنافقين واعداء المجتمع امسح مات ..تي حتى من الناموس اخذا بايه على بكري تي ماانفعش فيه الدوايات امتاع البلديات اللي ماقصروش العام هذا بالذات في الوقاية منه بالامارة استوردوا دوايات عمره الناموس ما تبنن طعمها ولا حلم بيها ..لدرجة الناس ساهرة والناموس يعزف ويغني اعذب الالحان .".ويا للني ..وانخاطرك كان اتنني..." والدنيا زينة وماناقصة كان البني بني ..ويسلم عليك العقل ..والبراني على برا والمغروم يجدد ..وتحيا تونس وذراريها عليها الخير يدز ...ويا سعدوني خيرها بزايد تخلصت من العهد البايد...
ويوفى الحديث.




  رد مع اقتباس
قديم 2012-06-19, 01:11 رقم المشاركة : 2

افتراضي رد: الطبال يضرب وبومزيود خدام والامور هانية.


بسم الله الرحمن الرحيم
بارك الله فيك أخي على مواضيعك المميزة بالفعل تستحق هذا المنصب في هذا المنتدى مرشح للإشراف ف المنتدى العام ربي يسرلك ويفقك لما يحبه ويرضى
لي تعقيب على بعض ما قلت

اقتباس:
الطبال يضرب وبومزيود خدام والامور هانية.
ظننت هذا يوم زواجك و تدعونا للحظور للوليمة (إبتسامة) ربي يسرلك فيه إن كنت غير متزوج

اقتباس:
تي موش قالوا السلفيين متحزمين ومحضرين للتوانسة وسهرياتهم ومهرجاناتهم وبحوراتهم وشطوطاتهم مفاجات غير سارة ؟ وباش يفسدوا الافراح والليالي الملاح
أوكد لك أخي هناك فرقة تحسب أنها تنتمي إلى سلفين والسلفية منهم برا لا يهمهم ما يفعلون حتى تفجير ذلك المكان فهم يستحلون دماء العصاة من المسلمين لله المشتكى
أما السلفية الحق فهم يدعون الناس إلى توحيد الله عز وجل ونبذ الشرك من الناس هكذا يصبح الناس تعرف إنه ما يفعلون في المهرجنات حرام ويتركونه
اقتباس:
هاني كل ليلة انبات ساهر غصبا عني على ايقاع الموسيقى والطبلة تشرقع ومضخمات الاصوات التي تجاوزت سرعتها الطيارات النفاثة
رب يهديك ورب و يبين لك سواء السبيل

اقتباس:
واللي تتهموا فيهم طلعوا خاطيهم العنف وخاطيهم الارهاب وخاطيهم الاعتداء على الغير ..الى حد اليوم لا شفت ولاسمعت
إنتظر وستعلم من هم لله المشتكى أنظر ما قلت لك سايقا نسال الله السلامة والعافية



  رد مع اقتباس
قديم 2012-06-19, 13:40 رقم المشاركة : 3

افتراضي رد: الطبال يضرب وبومزيود خدام والامور هانية.


اقتباس:
المشاركة الأصلية كتبت بواسطة أبو حذيفة مشاهدة المشاركة

رب يهديك ورب و يبين لك سواء السبيل
أخي علي عم صلاح يقصد المضخمات تقلق و متخليش الناس ترقد موش هو يسمع فيها كل ليلة

على فكرة اطلع على هذا الموضوع يساعدك على التعرف أكثر على أعضاء المنتدى

من هنا






  رد مع اقتباس
قديم 2012-06-19, 14:04 رقم المشاركة : 4

افتراضي رد: الطبال يضرب وبومزيود خدام والامور هانية.


اقتباس:
المشاركة الأصلية كتبت بواسطة Musulman مشاهدة المشاركة
أخي علي عم صلاح يقصد المضخمات تقلق و متخليش الناس ترقد موش هو يسمع فيها كل ليلة

على فكرة اطلع على هذا الموضوع يساعدك على التعرف أكثر على أعضاء المنتدى

من هنا



أعرف ذلك ولذلك قلت له ربي يهديك لأنها أحسن دعوة من أخ يحب اخيه والله لقد أحببت من في هذا المنتدى بارك الله فيك على الموضوع سأتعرف على إخوتي وبارك الله فيكم



  رد مع اقتباس
قديم 2012-06-19, 16:57 رقم المشاركة : 5

افتراضي رد: الطبال يضرب وبومزيود خدام والامور هانية.


اقتباس:
المشاركة الأصلية كتبت بواسطة Musulman مشاهدة المشاركة
أخي علي عم صلاح يقصد المضخمات تقلق و متخليش الناس ترقد موش هو يسمع فيها كل ليلة

على فكرة اطلع على هذا الموضوع يساعدك على التعرف أكثر على أعضاء المنتدى

من هنا



السلام عليكم
بارك الله فيك اخي العزيز باسم وبارك الله فيك اخي علي
نعم لقد اجبت عوضا عني وهذا هو الصحيح
لقد قلت اني انبات ساهر غصبا عني مكرها اخاك لابطل..كان حاشاكم سكرت الشبابك والبيبان امتاع الدويرة خوكم انعوم ونغطس في العرق العبد لله والشناتة من السخانة وزيد يكمل على مرمتنا الناموس كان فتحتها انباتوا صاحيين ونسمعوا الموسيقى غصبا عنا ويتعدا شطر الليل ونحن ساهرين وما نرتاحوا كان كيف نسمعوا لا اله لله والفرح واتانا كل من معانا جانا وهنانا ..وهي حقيقة كل تونسي وبالاخص الذين هم من عامة الشعب ويعيشون في احياء شعبية حاشاكم لاصقة ديارهم بعضها البعض مخنوقة ..
واما موضوع طرحي هو لربما رسالة لعدة اطراف معنية بالاجواء الاحتفالية المتعود عليها المجتمع ورسالة لمن سعى الى ترهيب الناس من التمادي في العوايد المكتسبة بتعلة ان السلفيين والسلفيين ابرياء من ذلك سيمنعوها ويتصدون لها ان وجدت كذلك رسالة الى من يهمه الامر عن اوضاع فئة من الشعب التي وجدت في عدم تطبيق القوانين واحترام الجوار في اقامة حفلات في الهواء الطلق على اسطح المنازل وفي الشوارع بالاخص وازعاجها لراحة بقية المتساكنين وبالاخص العمال الذين يبادرون للذهاب الى اعمالهم ..هناك قوانين صارمة كانت تمنع تجاوز توقيت السهر والحفلات تقوم اعوان التراتيب البلدية بتطبيقه على الجميع وحصر التوقيت ..كما اني انتقدت الدور السلبي للبلديات التي لم نرى منها سعيا للمداواة في بداية تفريخ الحشرات الناموس والذباب حاشاكم كما كان سابقا وظلت هاته السنة لربما استثناء مما جعل الكثير امثالي يعانون من ازعاج هاته الحشرات ليلا اضافة الى السهرات الشعبية .
واخيرا اجدد الشكر لكما واقول لاخي علي ان شاء الله ربي يهدينا ويهدي امة محمد صل الله عليه وسلم وعلى فكرة راني خوك من مناصري عدم الاستماع الى الموسيقى الصاخبة بالتحديد رغم اني لا امانع فرح الناس ومناسباتهم السعيدة .
جزاكم الله خيرا
.



  رد مع اقتباس
إضافة رد

المواضيع المتشابهه
الموضوع كاتب الموضوع المنتدى مشاركات آخر مشاركة
الفتاة بلا حياء ... كالشمس بلا ضياء Amin_Islam الأناقة و شؤون حواء وآدم 0 2011-03-25 00:20
حرب الانترنت حقيقة ام خيال ؟ Owtinod Defacer التكنولوجيا والاقتصاد - ثقافة عامة 3 2010-12-03 21:06
جوجل جو تثير خيال مطوري البرامج JASON التكنولوجيا والاقتصاد - ثقافة عامة 0 2010-03-06 17:32


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 21:30


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
جميع الحقوق محفوظة 2010-2023 © منتديات جوهرة سوفت