هاو شكون وراء اللي صاير في تونس .. بقلم العقل الحرّ !

هاو شكون وراء اللي صاير في تونس .. بقلم العقل الحرّ !

بعد اللي صار ها النهارين في تونس، وحالة الاحتقان وتجييش المشاعر بخصوص التعدّي على المقدسات، قلت نعمل بحث صغير ونتبّع الغرزة من الأوّل ونفهم الحكاية، ما نخبّيش عليكم أنا بيدي صدّقت في البداية لكن حسّيت اللي ثمّة حاجة موش نورمال وثمّة تنظيم وتنسيق في تواتر الأحداث وموش مجرّد احتجاجات شعبيّة تلقائيّة بل هي موجّهة بالعاني.

نبداو الحكاية من الأوّل: ثمّة معرض للفنّ التشكيلي في إطار ربيع الفنون بدا من 1 جوان وإلى 10 جوان
المعرض هذا قعد يدور لمدّة عشرة أيّام عادي جدّا لكن في اليوم الأخير أي يوم الاختتام الأحد 10 جوان، جاو بعض السلفيين ومعاهم عدل منفّذ وطالبوا بنزع 3 لوحات وإلاّ باش يجيو ينحيوهم هوما بيدهم
علاش؟
قالو اللي هي لوحات فاضحة وتمسّ بالحياء، وركزوا معاي في كلمة فاضحة، يعني ما ثماش إلى حدّ الآن اعتداء على المقدسات لا على الذات الإلهية ولا على الرسول (ص) وإنما لوحات عريانة وثمة لوحة أخرى زادة قالوا فيها كلام بذيء وثمة لوحات تسخر من السلفيين مثل هذه:



وهذا مثال عن هذه اللوحات الفاضحة:



وبغضّ النظر على اللي أنا شخصيّا نعتبرها رديئة اللوحة من الناحية الفنيّة، وهذا ذوقي وأنا حر فيه، لكن موش هذا موضوعنا وإنما الموضوع الآن اللي مسألة الاعتراض قايمة على اللي اللوحات هذي تمس بالحياء وما عندهاش علاقة بالاعتداء على المقدسات.

ومن بعد ما السلفيين طالبوا بنزع اللوحات (الخادشة للحياء حسب رأيهم) ثمّة صفحة على الفايسبوك يوم الأحد على الساعة التاسعة و53 دقيقة وهي أوّل صفحة، هبّطت التصويرة هذي وقالت: عينة من الفن و الحرية بالعبدلية بالمرسى



لكن التصويرة هذي موش موجودة في المعرض، وإنما هي في الحقيقة معروضة في مغازة لبيع الملابس الداخلية النسائية، وهنا يجينا أوّل سؤال: علاش مهبطين تصويرة موش موجودة في المعرض؟
لاحظوا معاي اللي المسألة مازالت محصورة في خدش الحياء رغم اللي ما فماش علاقة بين اللوحة اللي السلفيين ضدها وبين التصويرة اللي هبطتها صفحة الفايسبوك، وبالطبيعة ما نحكيلكمش على البارتاج وانتشارها كالنار في الهشيم لين ولاّت حقيقة لا شكّ فيها.

وتعدّى نهار الأحد هادئ نسبيّا، ويبدو أنّ حكاية السترينغ رغم البارتاج المكثّف ما لقاتش الصدى اللازم لأنّها بقيت في الاستهزاء أو التهكّم أو التندّر، واللي يقول ملّا فنّ، واللي يسب، لكن قعدت الأمور هادئة. يعني من الأخير، ما جابتش النتيجة المرجوّة، ياخي صفحة الفايسبوك نفسها، يوم الاثنين على الساعة الواحدة و49 دقيقة صباحا هبطت التصويرة التالية




وكتبت معها هذا التعليق
بعض من صور فضاء العبدلية المرسى و لكم التعليق

اللوحة هذي زادة موش موجودة في المعرض، وديجا رسمها بدائي جدّا، ونعاودو نسألو السؤال نفسو: علاش الصفحة هذي تهبّط مرّة أخرى تصويرة موش موجودة في المعرض وتلصّقها فيه؟
اللوحة هذي كان عندها تأثير قويّ لأنّها تجسّد الإسراء والمعراج وبالتالي تجيّش المشاعر الدينيّة، يعني مادام حكاية السترينغ ما خطفتش، طلعوا في الدوزة وولاّت الحكاية التعدّي على الرسول.
نحب نوضّح قبل ما نكمّل اللي برشة لوحات في المعرض، وحسب ذوقي الشخصي رديئين جدّا، لكن هذا ما يمنعش اللي كلمة الحقّ تتقال ومن الظلم إنّا نركبولهم لوحات ما عملوهاش
بعد اللوحة هذي خذات المسألة منعرج آخر، تعدات من خدش الحياء إلى التعدي على المقدسات وهنا بدات الحكاية تكبر وبدا البرتاج على الفايسبوك يخدم، والناس الكل تبرتاجي في لوحة موش موجودة أصلا في المعرض
وباش تزيد الحكاية تكبر أكثر قامت الصفحة هي بيدها على الساعة الثالثة صباحا و23 دقيقة بنشر لوحة ثالثة وهي التالية




ومعاها التعلق التالي
سبحان الله مكتوبة بالحشرات و فيها واحد مشنوق هذا في معرض العبدلية اليوم في المرسى

اللوحة هذي بعكس لخرين، موجودة بالحق في المعرض، لكن ثمّة تدليس في تأويلها لأنو موش مشنوق وإنما ثمة نمّال خارج من محفظة طفل صغير يرسم كلمة سبحان الله



يعني ما ثماش اعتداء على الذات الإلهية

تعدى نهار الإثنين يغلي على الفايسبوك بسبب الصورتين المفبركتين والصورة التي أسيء تأويلها عن عمد، وثمة صفحات مختصة في الفتنة وبدات تطالب بقتل كل الفنانين والكفار، ويلزم نذبحوهم إلى آخره، ويلزم نقضيو على كلّ اليسار، وفي آخر النهار تعدى وزير الشؤون الدينية في الأخبار وحرّض، وأضع سطرا كبيرا تحت كلمة "حرّض"، الناس على الدفاع عن دينهم، وفجأة خرجت تنظيمات سلفيّة من مناطق مختلفة في الوقت نفسه وبدات أعمال عنف وحرق وتكسير وتجييش الناس، يا توانسة راهو دينكم في خطر، لا للاعتداء على المقدسات إلاّ الإسلام، نفديك يا رسول الله، الخ الخ الخ، وهي حلّ الصرّة تلقى خيط والحكاية الكلّ مركبة كيما كنت نحكيلكم ولا ثمة اعتداء على المقدسات ولا هم يحزنون
توّة نجيو للسؤال المهم، شكون وراء هذا الكل وشكون يتلاعب بعواطف الناس الدينية ببثّ الأكاذيب والإشاعات ويجيّش في الناس؟

مانيش باش نجاوب وباش نحتفظ بالجواب لروحي وينجّم أيّ واحد يربط الأحداث ببعضها ويوصل لنتيجة تخصّو. لكن أنا شخصيا عندي زوز احتمالات مازلت ما رجّحتش أناهو الصحيح فيهم ونخيّر ما نتكلّم إلاّ ما نتأكّد، لكن المهم اللي عرفنا كيفاش بدات الحكاية والتطوّر متاعها، أمّا صفحة الفايسبوك اللي نشرت هذا الكلّ واللي كانت السبب في انتشار الإشاعات هذي عندها علاقة بمواقع متطرّفة على الأنترنت وموش باش نقول على اسم الصفحة حاليا.

يتبع

تواصلا مع المقال السابق اللي حكينا فيه على كيفيّة تطوّر الأحداث في حكاية معرض الفنّ بالمرسى، وننصح اللي مازال ماشافوش باش يقراه قبل ما يقرا المقال هذا وذلك حتّى يفهم التسلسل ويعرف كوعو من بوعو، إذن يبقى السؤال: شكون اللي ورا الأحداث هذي اللي صارت في تونس وما الهدف منها؟

الجواب على هذا السؤال باش نعطيوه في شكل احتمالات وناقشوها باش في الأخير نوصلو للجواب الحقيقي، وهذا لابدّ منه باش يكون تفكيرنا سليم ومنطقي.

الاحتمال الأوّل:
قبل ما تصير الأحداث هذي بمدّة قصيرة أي بتاريخ يوم 5 جوان كان ثمّة نقاش داخل لجنة الحقوق والحريات الفردية في المجلس التأسيسي وكان النقاش يدور بالتحديد حول هذا الفصل:

حرية التعبير والاعلام والابداع والفن مضمونة ، شرط عدم المساس بالنظام العام والاخلاق الحميدة

وصار اختلاف بين المتحاورين، ثمّة شكون يعتبر اللي حرية الفن لازم تكون مطلقة وثمّة شكون يميل للفصل هذا ويكّز على النظام العام والأخلاق الحميدة، ونحنا بالطبيعة هنا ماناش باش ناقشو مضمون الفصل هذا لأنو موش موضوعنا، وإنما بعد اللي صار مع المعرض الفني في المرسى وما تلاه من عنف، ثمّة شكون ربط الحكاية هذي مع الفصل المطروح وقال اللي النهضة تعمّدت إحداث هذه الفوضى لتمرير هذا الفصل لأنو حتى حد ماعاد ينجّم يقول لا، والناس الكل باش يقولو أوكي، حرية الفن لازم تكون مقيدة.

في الحقيقة هذا الاحتمال ضعيف جدّا، إن لم أقل مستحيل، لأنو الفصل هذا في حد ذاتو ماهوش حاجة محورية في الدستور، وثاني حاجة النهضة تنجّم تصوّت على الفصل هذا بالأغلبيّة من غير لا تحريض ولا فوضى، يعني إنو تكون النهضة وراء هذه الفوضى لتمرير هذا الفصل فهذا غير وارد.

الاحتمال الثاني:

ثمّة شكون يقلّك اللي وراء هذه الأحداث هم جماعة السبسي، علاش؟
قالك يا سيدي بن سيدي، اللي مادام الدنيا دخلت بعضها يولي السبسي يطرح روحو أو يطرح حد معاه كبديل للوضع والمنقذ للبلاد.
هذا الاحتمال ضعيف زاده، لسبب بسيط جدا وهو أنّ سير الأحداث موجّه بالضرورة ومباشرة ودون أدنى شك إلى بديل من نوع خاص، أي موش بديل اقتصادي وموش بديل سياسي بل بديل إسلامي، وهذا بالطبيعة يجعلنا نستبعد حكاية السبسي.

توة نجيو للاحتمال الثالث اللي نعتبرو أنا شخصيّا هو الاحتمال الصحيح:

أوّلا نبداو بهذا الخبر:



الخبر هذا خرج يوم 5 جوان يعني عندو جمعة وفيه كيما قريتو القاعدة قاعدة تغزر لتونس والمخابرات العراقية طاحت ببرقيات من تنظيم القاعدة تطلب من المجاهدين الانتقال إلى تونس.

نزيدو نتعداو للخبر اللي بعدو:



أيمن الظواهري يكفّر حركة النهضة ويدعو السلفيين إلى التحرّك لإسقاطها وإقامة الخلافة والشريعة.



توّة عاد ظاهرلي الأمور بدات تتّضح، باهي كيفاش السلفيين ينجموا يتحركوا ويطالبو بإسقاط حكومة النهضة "الكافرة" لكي يحقّقوا هذه الدعوة المقدّسة في نظرهم؟
لو كان خرجوا في الشارع وعملوا مظاهرات أو أي حاجة أخرى، موش باش يصير شي لأنو أولا الشعب نفسو موش باش يقبل الفوضى، وثانيا ما فماش علاش الناس باش تجي معاهم.
شنو نعملوا مالا؟
الحل هو إنو الإسلام في خطر، وبالتالي تنجّم تجيّش أكبر قدر ممكن من الناس باش يتعاطفوا معاك، وكيما حكيتلكم في مقال البارح تمّ استغلال معرض المرسى لتطبيق هذا التوجّه، وآش يعجبك فيهم أمورهم منظّمة وما يضيعوش وقت، فمباشرة بعد التهويل اللي صار ها النهارين أعلنوا يوم الجمعة القادم يوم نصرة الإسلام:



الغرض من الحكاية هذي هو إسقاط الحكومة أو على الأقلّ إحداث فوضى عارمة كبيرة ربّما وأقول ربّما ستؤدّي إلى تغيير موازين القوى، يعني القوّة السلفيّة تولّي هي القوّة الأولى في البلاد. إلى أن تتحقّق مطامحهم في إقامة الدولة الإسلامية.

طبعا اللي نحكي فيه، الحكومة على علم به، وديجا يكفي أنّك تقرا بيان الرؤساء الثلاث باش تفهم اللي هوما واعين تماما بالمسألة وما يحبوش يخوفو الشعب، وهذا اقتباس من البيان:

ثقوا تمام الثقة في وحدة القيادة السياسية
ثقوا تمام الثقة في عزيمة مؤسسة الجيش والمؤسسة الأمنية على حماية الشرعية
ثقوا تمام الثقة في وطنية الطيف الواسع من المعارضة المسؤولة والتي ستتصدّى معنا للعنف والفوضى

لكن تنجّم تقرا ما وراء السطور، وأنا زادة ما نحبّش نخوّف الناس وإنّما دوري ومن منطلق حبي لبلادي إني نوعّي الشباب اللي ممكن ينجرّ وراء الدعوات السلفيّة هذي وذلك بأن أبسط كلّ المعطيات أمامه.

نحب نؤكّد اللي المقال موش ضدّ السلفيّة، وكلّنا أو أغلب الشعب التونسي يؤمن أنّ تونس تتّسع للجميع، على شرط احترام اختلافاتنا ورؤانا وتوجهاتنا في إطار التعايش السلمي واحترام القانون والديمقراطية، فكلّ شخص سواء كان سلفي أو أيّ توجّه آخر هذي بلادو وحتى حد ماهو عامل عليه مزيّة، لكن كي تعتدي على حرية غيرك أو تنقلب على الشرعيّة والديمقراطية وتحب تفرض نمط معيّن بالسيف تولّي إنتي اللي تقصي في غيرك وتناصبه العداء

نرجعوا لموضوعنا، قد يقول قائل، مالا شبيه الغنوشي يدعو هو زادة إلى مسيرة لحماية المقدسات يوم الجمعة؟ أليس متواطئا معهم؟




في الحقيقة موش متواطئ معهم وإنما تنجموا تقولوا يحب يسحب من تحتهم البساط، يعني كأنه يقول: إنتوما تقولو باش تخرجوا نهار الجمعة بتش تدافعوا على المقدسات؟ نورمال برشة، أنا بيدي أدعو إلى ذلك، وبالتالي ما تنجموش تهاجموا الحكومة والنهضة ذلك اليوم وتطالبون بإسقاطها لإنها كافرة، لأني أنا بيدي هاو ندافع على المقدسات وأدعو إلى ذلك.
طبعا ما ينساش الغنوشي باش يضيف اللي العنف غير مقبول، وفي الحقيقة هذي من الأشياء اللي نراها من تخلويض النهضة وهي سياسة الهروب إلى الأمام.

تلخيص الوضع:
ثمّة تخطيط كامل وبدعم خارجي، سلفي وهابي قاعدي، لإقامة الدولة الإسلامية في تونس وباش كل اللي عملناه من تضحيات وانتقال ديمقراطي، رغم العيوب، باش الكل يمشي في الماء ونتصومل أو نتأفغن
توضيح: مانيش ندافع عن الحكومة لأنكم تعرفوني النهار الكل وأنا ننقد فيها، لكن الحكاية توة موش حكومة نهضة أو غيرها، وإنما الحكاية تونس.
هذي يا تونسي المعطيات الكل قدامك ودليلك ملك.

يتبع

تواصلا مع المقالين الأوّل والثاني، اليوم نختمو بهذا المقال الأخير بخصوص معرض الفن التشكيلي بفضاء العبدلية بالمرسى

اليوم، أيّها السيدات والسادة باش نحطوا كلّ اللوحات التي تمّ عرضها في هذا المعرض، باش يا سي المواطن يبدى كلّ شي على عينيك، ومن بعد نتعداو للوحات التي قيل أنّها تمسّ المقدّسات، أيّ برّا نبداو

هاني لميتلكم اللوحات مع بعضهم










باهي هاذم هوما اللوحات واللي بالطبيعة ما فيهمشي أي حاجة تمسّ بالمقدسات، صحيح ثمّة زوز لوحات انجموا نقولوا تنقد في السلفيين ويمكن يعتبروها استفزازية، لكن ثمة فرق كبير إنك تقول تستفز في السلفيين وإنّك تقول تتعدّى على المقدّسات، ولذا مالازمناش نخلطوا الأمور بين بعضها، أما من الناحية الفنية يمكن ما يعجبوكش وتقول توّة بربّي هذا فنّ تي هاو تافه برشة، وممكن يعجبوك وتقول هذا هو الفنّ! لكن في كلّ الأحوال هذي أمور ذوقيّة، وللناس فيما يعشقون مذاهب وكل واحد حر في ذوقو الشخصي وموش هذا موضوعنا وإنما السؤال هو هل هناك مسّ بالمقدّسات أم لا؟

توّة نتعدّاو للوحات اللي صار حولهم "البوليميك" وبالعاني خلّيتهم في الأخير باش ناخذوهم لوحة لوحة ونحكيو فيهم، أوّلا هاو مع بعضهم



بالطبيعة اللوحة اللي فيها الكعبة والبراق موش موجودة في المعرض، وكذلك التصويرة اللي فيها السترينغ ولذا ما نقعدوش نكعررو في الحكايات، وتوّة ناخذو ها الأربعة لوحات بالوحدة بالوحدة، ونبداو بالتصويرة متاع المرا العريانة والكسكسي

نعاودو نطرحو نفس السؤال: هل هناك تعدي على المقدسات؟ طبعا لا، تنجّم تقلّي يا خويا هذي موش صورة أخلاقيّة، تنجّم تقلّي راهي تافهة برشة من الناحية الفنيّة، لكن ما تنجمش تحكيلي على المقدسات
أما من الناحية الأخلاقية، فإني نطلب من القارئ إنو يعمل دورة مثلا في متحف باردو، أو أيّ متحف للفنّ سواء القديم أو المعاصر، أتاو يلقى صور أو منحوتات عارية، يعني هذا أمر يكاد يكون متعارف عليه في الفن، مالا وقتاش تولي تمس بالأخلاق؟
وقتلّي تخرج بيها في الشارع وتعرضها على الماشي والجاي، وقتها تتسمّى قاعد تعمل في استفزاز، لكن كي تعرض لوحتك في معرض مخصّص للفنّ عندو روادو، فهذا كيما زادة اللوحات العارية في متحف باردو أو أيّ متحف آخر يعني زادة مكان مخصّص وموش في الشارع، وبالتالي ما تتسماش قاعد تعتدي على الأخلاق لأنّك تعرض في فضاء مخصّص
أما من الناحية الفنية، فأنا شخصيّا لاقيها تاعبة برشة، وطبعا هذا ذوقي الشخصي، لكن نحترم ذوق اللي تعجبو واللي ما تعجبوش، فكما قلت كل واحد حر في ذوقو

نتعداو للتصويرة الثانية وهي فيها طفل صغير واقف فوق عتبة، وموش واقف فوق المصحف كما يزعم البعض كذبا وزورا، الطفل هذا عندو كرتابة ورا ظهرو يخرج منها نمال ويرسم كلمة سبحان الله
بالطبيعة كي تحب تعمل منها حكاية تولّي مباشرة تهوّل وتقول: لا حول ولا قوّة إلاّ بالله، كاتبين كلمة سبحان الله بالحشرات
لكن كي تحبّ زادة تتناول المسألة بأكثر موضوعيّة ومن غير أحكام مسبّقة تولّي تعرف اللي سبحان الله تنجّم تكتبها بالنمال بالنحل بالدهن بالدم باللي تحب عليه، لأنو هذا تسبيح، وقد جاء في التنزيل "وإن من شيء إلاّ يسبّح بحمده" (الإسراء، آية 44) يعني كلّ شيء يسبّح بحمده، نمّال أشجار وديان حشرات، اللي تحبوا عليه، وكذلك قوله في سورة النور، آية 41: ألم تر أنّ الله يسبّح
له من في السماوات والأرض
وكذلك قوله: إن الله لا يستحي أن يضرب مثلا ما بعوضة فما فوقها (البقرة، 126)
يعني، وبنصّ القرآن، ما فمّاش أيّ داعي باش تعمل منها حكاية، إلاّ بالطبيعة كي تعمل بالعاني للتحريض معتمدا على جهل
المستمعين

نتعدّاو للوحة الثالثة وفيها ثلاث نساء كأنهنّ مدفونات لشطرهم وداير بيهم حجر
المعترضين على الحكاية قالوا اللي هذا نقد لحدّ الرجم، بينما حدّ الرجم أمر ثابت في الدين، وبالتالي تولّي تتعدّى على المقدّسات

الجواب ساهل برشة: حدّ الرجم ماهوش ثابت في الدين، ما ثابت كان عند اللي بالسيف يحبو يفرضو رؤيتهم، لكن في الحقيقة فيه اختلاف، أوّلا الرجم موش مذكور في القرآن، ثانيا الحديث الذي يعتمدون عليه لإثبات حدّ الرجم والمنسوب للفاروق هو ساقط من حيث المتن، حتّى وإن صحّ سنده، وليس مقام تفصيل هذا الموضوع هنا، وإيراد الأحاديث المختلفة وأحيانا المتناقضة، وإظهار الصنعة فيها وأنّها منسوبة زورا للصحابي العادل، وتبيين أنّ الرجم هو في الأساس حدّ يهوديّ توراتيّ دخل إلى الإسلام عبر بوّابة الأحاديث الموضوعة،حتّى وغن ذكر بعضها في الصحيح، فكلّ هذا لن نتعرّض له حتّى لا نثقل على القارئ ولا ندخله معنا في متاهات حديثيّة، وإنّما نقول اللي نقد حدّ الرجم وأنا شخصيّا ما نعتبروش من الإسلام، لا يُعتبر إطلاقا تعدّيا على المقدّسات

وهذه الصورة تنقد حدّ الرجم، وهو أن يوضع الشخص في حفرة إلى النصف ثمّ يرميو عليه الحجر لين يموت، وهذا طبعا أمر وحشي لا تقبله أيّ نفس سويّة، وهذا مثال حقيقي عن إمرأة باش يطبقوا عليها الرجم في إحدى البلدان المتخلّفة




بقيت الصورة الأخيرة وهي صورة أربعة نساء موجودين في حلبة بوكس
هوما 4 نساء بنفس الوجه وموش متحجبين وإنما طريقة عملان شعرهم تظهر كأنهم متحجبين، وهاو شنوة مكتوب
وحدة مكتوبة: أنا مسيحية، والأخرى: أنا يهودية، والثالثة: أنا تونسية، والرابعة: محطوط فيها أغلب الجنسيات..
يعني الصورة هذي، اللي ديجا عاملتها امرأة، تدعو النساء إلى التعايش السلمي والاحترام مهما كان معتقدهم أو جنسيتهم، بالله فسرولي كيفاش تصويرة تدعو إلى السلم والتعايش مهما كان المعتقد أو الجنسيّة تولّي تمسّ بالمقدّسات؟
ثمّة شكون قال اشبيهم محطوطين في وسط حلبة متاع بوكس، وفي الحقيقة ما نعرفش ممكن تقصد إنو النساء يتعرضو للتعنيف من الرجال مهما كان الدين أو الجنسية، خاصة أنّ اللي عاملة المشهد هي مرا وممكن تدافع عن النساء، لكن المهم إنو ما فماش حتّى اعتداء على المقدّسات

نعاود نذكّر، قد لا تعجبك اللوحات وتراها أتفه من التافهة، لكن ثمّة فرق كبير إنو نقول فنّ تافه وبين نقولو تعدّي على المقدّسات، ثمّة فرق كبير إنّك تطفّيه وما تحسبوش بوصفو تافه وبين إنك تعمل مظاهرات لأجل الإعتداء على المقدّسات

شفتو كي ناخذو الأمور بالشويّة ونثبتو فيها نلقاو اللي الحكاية ما تستحقّش كلّ هذه الضجّة، وأنو ثمّة تلاعب بمشاعر الناش عن قصد لتجييش عواطفهم الدينية لأسباب أخرى،
وشكون الخاسر في الحكاية؟
الخاسر هو الروح اللي طاحت
ثمّة روح طاحت يا توانسة من أجل حكاية كي تشوفها تلقاها حلّ الصرة تلقى خيط، فهل سيكون لنا درسا ونتعلموا ما نسخنوش فيسع كي واحد يحرّك مشاعرنا الدينيّة ونثبتوا ونسمعو كلام كلّ الأطراف قبل؟

المشاركة الأصلية كتبت بواسطة sniper-tun

هاو شكون وراء اللي صاير في تونس .. بقلم العقل الحرّ !

السلام عليكم
خويا الغالي ..اولا وقبل كل شيء ساناقش ماطرحت سواء كانت افكارك ومواقفك الذاتية او منقولة مع يقيني اني اطلعت على مثل هاته التحاليل والانتقادات والتفسيرات المماثلة لماوقع مؤخرا في تونس وبناء عليه كما اسلفت ساناقش الافكار لا الاشخاص ومواقفهم ..هناك حقيقة قبل الانطلاق في التعليق على ماورد باطناب ضمن هذا الطرح هي تكمن في السؤال التالي " من يقف وراء هاته الافكار والمواقف وليس الاحداث واسبابها ومسببيها ونتائجها؟؟؟؟
طبعا الاجابة موجودة في هذا الموضوع فموقف العقل الحر كما عنون هذا الطرح خير دليل على ان من يقف وراء هاته الافكار هم بالاساس المدافعين عن الحريات الفنية وغيرها والذين يصنفون على كونهم متفتحين واصحاب عقول نيرة وحداثيين وعلمانيين وغيرها من الصفات والنعوت التي يعتقد بعضهم انها حكرا عليهم دون سواهم في الابداع الفني والمعرفي والعلمي ..الخ .
وحتى لا اطيل وافي بوعدي اني لن اناقش الافراد ولا الجماعات واني اعلم منهم الكثير ..ساهتم بالمحتوى واناقش الفكرة بالفكرة .



بعد اللي صار ها النهارين في تونس، وحالة الاحتقان وتجييش المشاعر بخصوص التعدّي على المقدسات، قلت نعمل بحث صغير ونتبّع الغرزة من الأوّل ونفهم الحكاية، ما نخبّيش عليكم أنا بيدي صدّقت في البداية لكن حسّيت اللي ثمّة حاجة موش نورمال وثمّة تنظيم وتنسيق في تواتر الأحداث وموش مجرّد احتجاجات شعبيّة تلقائيّة بل هي موجّهة بالعاني.
والبينة على من ادعى ..وان كان الشك طريق اليقين ..فان بعض الشك اثم ..نستمر

نبداو الحكاية من الأوّل: ثمّة معرض للفنّ التشكيلي في إطار ربيع الفنون بدا من 1 جوان وإلى 10 جوان
المعرض هذا قعد يدور لمدّة عشرة أيّام عادي جدّا لكن في اليوم الأخير أي يوم الاختتام الأحد 10 جوان، جاو بعض السلفيين ومعاهم عدل منفّذ وطالبوا بنزع 3 لوحات وإلاّ باش يجيو ينحيوهم هوما بيدهم
هل لك مصدر موثوق به يؤكد ان السلفيين جاؤوا الى المعرض المذكور وطالبوا برفع بعض اللوحات ؟ والسؤال المهم هو بما ان المعرض انطلق منذ 1جوان 2012 اذن لم يستفق ويعلم السلفيين به الا في اليوم الاخير ؟ وسؤال اخر متى طالب السلفيين اصحاب المعرض بازالة بعض اللوحات ؟ حسب التدرج في طرح المعلومات تقول ان هذا حصل في اليوم الاختتامي للمعرض اي ان السلفيين جاؤوا المعرض متاخرين ؟ ولنفترض هنا صحة الرواية اما كان لاصحاب المعرض ان يستجيبوا لطلباتهم اتقاء للشر وتجنيبا للمساوئ والاخطار خاصة وان المعرض مر عليه اسبوعا كاملا دون مشاكل وهوفي يومه الاخير فلا يضره في شيء ؟؟؟؟

علاش؟
قالو اللي هي لوحات فاضحة وتمسّ بالحياء، وركزوا معاي في كلمة فاضحة، يعني ما ثماش إلى حدّ الآن اعتداء على المقدسات لا على الذات الإلهية ولا على الرسول (ص) وإنما لوحات عريانة وثمة لوحة أخرى زادة قالوا فيها كلام بذيء وثمة لوحات تسخر من السلفيين مثل هذه:
هذا ايضا يحتاج الى اثبات مصادر موثوقة وليس تلك المصادر التي هي من مشرفي واصحاب المعرض كما بثته قناة تونس 7 ..والعقل الحر حقيقة يستغرب من مثل هذا الكلام فهل ما يهم السلفيين هو الحياء ولوحات مخلة بالحياء موضوعة بين جدران معرض ؟؟؟ فهل ما جلب اهتمام وانشغال السلفيين غير تلك اللوحات المخلة بالاداب ؟ لا اعتقد ذلك لعدة اسباب لان مايراه السلفيين وغيرهم في الشوارع وفي الساحات والمقاهي وغيرها من الاماكن صور ومشاهد اكثر دناءة احيانا مما هي في المعرض المذكورة ومحصورة بين جدران منزل ؟؟؟؟


وهذا مثال عن هذه اللوحات الفاضحة:


هذه اللوحة الفاضحة ليست مخلة بالاداب والحياء والاخلاق فحسب وانما مسيئة للمعتقدات الاسلامية بالاساس وسوف اشرح واوضح ذلك حين ابلغ تفسيرك وتحليلك لللوحات الفنية وان كانت هذه مواقفك وقراءتك الذاتية وتحترم عليها

وبغضّ النظر على اللي أنا شخصيّا نعتبرها رديئة اللوحة من الناحية الفنيّة، وهذا ذوقي وأنا حر فيه، لكن موش هذا موضوعنا وإنما الموضوع الآن اللي مسألة الاعتراض قايمة على اللي اللوحات هذي تمس بالحياء وما عندهاش علاقة بالاعتداء على المقدسات.
عندها علاقة بالمقدسات وسوف اوضح ذلك لاحقا

ومن بعد ما السلفيين طالبوا بنزع اللوحات (الخادشة للحياء حسب رأيهم) ثمّة صفحة على الفايسبوك يوم الأحد على الساعة التاسعة و53 دقيقة وهي أوّل صفحة، هبّطت التصويرة هذي وقالت: عينة من الفن و الحرية بالعبدلية بالمرسى



لكن التصويرة هذي موش موجودة في المعرض، وإنما هي في الحقيقة معروضة في مغازة لبيع الملابس الداخلية النسائية، وهنا يجينا أوّل سؤال: علاش مهبطين تصويرة موش موجودة في المعرض؟
بالنسبة لهاته الصورة لم تقدم ولم تاخر ولم تنقص ولم تضيف شيئا ..ولم يعطيها الناس اهتمام يذكر وبالتالي سواء كانت في المعرض او لم تكن فانما ان تم تنزيلها فمن باب السخرية والتعبير المجازي على ذوق الفنانين المشاركين في المعرض ليس الا .
لاحظوا معاي اللي المسألة مازالت محصورة في خدش الحياء رغم اللي ما فماش علاقة بين اللوحة اللي السلفيين ضدها وبين التصويرة اللي هبطتها صفحة الفايسبوك، وبالطبيعة ما نحكيلكمش على البارتاج وانتشارها كالنار في الهشيم لين ولاّت حقيقة لا شكّ فيها.
السلفيين لم تزعزع كيانهم لوحات خاذشة الحياء بل المس من المقدسات وهذا هو الاساس وليس السلفيين وحدهم بل كل انسان مسلم من هذا الشعب

وتعدّى نهار الأحد هادئ نسبيّا، ويبدو أنّ حكاية السترينغ رغم البارتاج المكثّف ما لقاتش الصدى اللازم لأنّها بقيت في الاستهزاء أو التهكّم أو التندّر، واللي يقول ملّا فنّ، واللي يسب، لكن قعدت الأمور هادئة. يعني من الأخير، ما جابتش النتيجة المرجوّة، ياخي صفحة الفايسبوك نفسها، يوم الاثنين على الساعة الواحدة و49 دقيقة صباحا هبطت التصويرة التالية




وكتبت معها هذا التعليق
بعض من صور فضاء العبدلية المرسى و لكم التعليق

اللوحة هذي زادة موش موجودة في المعرض، وديجا رسمها بدائي جدّا، ونعاودو نسألو السؤال نفسو: علاش الصفحة هذي تهبّط مرّة أخرى تصويرة موش موجودة في المعرض وتلصّقها فيه؟
اللوحة هذي كان عندها تأثير قويّ لأنّها تجسّد الإسراء والمعراج وبالتالي تجيّش المشاعر الدينيّة، يعني مادام حكاية السترينغ ما خطفتش، طلعوا في الدوزة وولاّت الحكاية التعدّي على الرسول.
نحب نوضّح قبل ما نكمّل اللي برشة لوحات في المعرض، وحسب ذوقي الشخصي رديئين جدّا، لكن هذا ما يمنعش اللي كلمة الحقّ تتقال ومن الظلم إنّا نركبولهم لوحات ما عملوهاش
بعد اللوحة هذي خذات المسألة منعرج آخر، تعدات من خدش الحياء إلى التعدي على المقدسات وهنا بدات الحكاية تكبر وبدا البرتاج على الفايسبوك يخدم، والناس الكل تبرتاجي في لوحة موش موجودة أصلا في المعرض
وباش تزيد الحكاية تكبر أكثر قامت الصفحة هي بيدها على الساعة الثالثة صباحا و23 دقيقة بنشر لوحة ثالثة وهي التالية
وماة ادراك ان تلك اللوحة او صورة لها لم تكن موجودة بالمعرض ؟؟؟ هنا اذكرك بان صفحة الفايس بوك التي تقول انها معنية بتنزيل تلك اللوحات وغيرها ان هناك صورا كثيرة لتلك اللوحات تم ترويجها طيلة الاسبوع على المساجد والجوامع وبالتالي لم تكن تلك الصفحة سباقة في النشر ولربما ما لم تهتم به وتركز عليه في بحثك هو من يقف وراء نشر الصور وترويجها على المصلين في المساجد ؟؟؟؟ فكما هو معلوما انه ليس كل المصلين سواء سلفيين او غيرهم يتابعون ما ينشر ويبث على المواقع الاجتماعية بل الغالبية من الشباب وغير السلفي تحديدا ..لذلك كان من الاهم التركيز على المصدر الرئيسي في نشر الصور على المصلين مباشرة في المساجد ؟



ومعاها التعلق التالي
سبحان الله مكتوبة بالحشرات و فيها واحد مشنوق هذا في معرض العبدلية اليوم في المرسى

اللوحة هذي بعكس لخرين، موجودة بالحق في المعرض، لكن ثمّة تدليس في تأويلها لأنو موش مشنوق وإنما ثمة نمّال خارج من محفظة طفل صغير يرسم كلمة سبحان الله
هههه لا عاد توا صاحبي بديت تبعد على خط الحياد ..توا اسمعني جيدا التحليل هذا والموقف هذا قيل في الكثير من المرات وعقبته عديد التعاليق بما فيها ردي وتعليقي والاهم من هذا هو العدل المنفذ الذي بيده الصورة الاصل والتي هي كما هو مروج لها نمال في كلمة سبحان الله وطفل مشنوق بها وليس نمل خارج من محفظة ولا غير ذلك ولا تاويل وتبرير وذكر سورة النمل ودور النمل وووو الخ ولهذا اسالك سؤال الم يجد هذا الحقير الذي يسمي نفسه فنان غير كلمة سبحان الله ويرسمها بالنمل ؟ واما التفسير العقلاني لتلك اللوحة فهي تبرز ان الله سبحانه تعالى خانقا للانسان ومقيدا لحريته واختياراته وهذا ما اراد ذاك التافه ان يوصله من لوحته وليس طالب علم والنمل يخرج من محفظته هههه على اشكون يضحكوا ؟؟؟ ما ثما كان النمل خارج من المحفظة ؟؟ ياسبحان الله ..فوالله لو كان هذا هو نية وحقيقة صاحب اللوحة لما تم عرضها ونشرها في المعرض اصلا ..فكفلى ضحكا على الذقون ..



يعني ما ثماش اعتداء على الذات الإلهية

تعدى نهار الإثنين يغلي على الفايسبوك بسبب الصورتين المفبركتين والصورة التي أسيء تأويلها عن عمد، وثمة صفحات مختصة في الفتنة وبدات تطالب بقتل كل الفنانين والكفار، ويلزم نذبحوهم إلى آخره، ويلزم نقضيو على كلّ اليسار، وفي آخر النهار تعدى وزير الشؤون الدينية في الأخبار وحرّض، وأضع سطرا كبيرا تحت كلمة "حرّض"، الناس على الدفاع عن دينهم، وفجأة خرجت تنظيمات سلفيّة من مناطق مختلفة في الوقت نفسه وبدات أعمال عنف وحرق وتكسير وتجييش الناس، يا توانسة راهو دينكم في خطر، لا للاعتداء على المقدسات إلاّ الإسلام، نفديك يا رسول الله، الخ الخ الخ، وهي حلّ الصرّة تلقى خيط والحكاية الكلّ مركبة كيما كنت نحكيلكم ولا ثمة اعتداء على المقدسات ولا هم يحزنون
لا هذا تحليلا جانب الصواب ونحى بالعقل منحا اخر ..لم يكن هناك تحريض على قتل الفنانين اللهم الا من اهل الصنعة اعني من الذين سعوا للفتنة واحتى يبرزوا في الصورة على كونهم ضحايا من ضحايا الحرية والفن ..والسيد وزير الشؤون الدين لم يخرج على الاعلام بموقفه الا ليلا وقمت بتنزيل مقطع الفيديو ابان طرحه وبالتالي هو اخر انسان تكلم على ماوقع وعرض في معرض العبدلية ..ولم يكن من الداعين الى مثل ماذكرت.
اما بالنسبة للذين خرجوا للتظاهر ليلا فليس هم اغلبهم سلفيين بل خليطا من المجتمع التونسي بمافيهم المنحرفين وعدد ماشئت .
توّة نجيو للسؤال المهم، شكون وراء هذا الكل وشكون يتلاعب بعواطف الناس الدينية ببثّ الأكاذيب والإشاعات ويجيّش في الناس؟

مانيش باش نجاوب وباش نحتفظ بالجواب لروحي وينجّم أيّ واحد يربط الأحداث ببعضها ويوصل لنتيجة تخصّو. لكن أنا شخصيا عندي زوز احتمالات مازلت ما رجّحتش أناهو الصحيح فيهم ونخيّر ما نتكلّم إلاّ ما نتأكّد، لكن المهم اللي عرفنا كيفاش بدات الحكاية والتطوّر متاعها، أمّا صفحة الفايسبوك اللي نشرت هذا الكلّ واللي كانت السبب في انتشار الإشاعات هذي عندها علاقة بمواقع متطرّفة على الأنترنت وموش باش نقول على اسم الصفحة حاليا.
انت ما حبيتش تجاوب اما انا هاني باش انجاوبك وهذا رايي بالضبط في اللي يقف وراء الاحداث هم تلك الفئة التي تصنف على كونها علمانية ملحدة وكافرة او لاتؤمن اصلا ..هي تلك الفئة التي تصنف على كونها نخبة المجتمع التونسي الحداثي المتمدن والمتفتح والمتنصل من كل القيم والاعراف والتقاليد والمقدسات ...واما كيف ؟ واسباب ذلك ؟ ساجيبك تباعا الى اخر ماكتبت ..فقبل ان تقع الاحداث بساعات وساعات هناك صفحة لجريدة الكترونية على النات كتبت عنوانا قالت فيه السلفيين سوف يهاجمون معرض العبدلية فتابعونا على هذا الرابط وستشاهدون بثا مباشرا لما سيقع ؟؟؟ وحين تدخل الموقع لا تجد شيئا باعتبار ان الحدث لم يقع بعد ..وبعد ساعات اي مساء نزلت مقطع فيديو من داخل المعرض وفيه رجل ملتحي على كونه سلفي واحدا لا غير ونزلت اصواتا تنادي تكفيير تكفيير ..وحين تسمعها تظن ان جماعة تنادي تكبير تكبير كما تعارف عند السلفيين ..وهذا في حد ذاته اعتداء ومس من عظمة الخالق ..فالتكبير تعني الله اكبر وهؤلاء الحثالة جعلوا منها تكفير ..ولم يلاحظ في الفيديو ان سلفيين هجموا على المعرض او كسروا او ما شاء ذلك فحتى كلمة التكبير المعروفة كما قلت تم تشويهها عمدا من الفئة المتواجدة داخل المعرض ..ثم جاءت القناة الملعونة البنفسجية تونس 7 ونزلت فيديو التكسير والتخريب لبعض اللوحات داخل المعرض في صورة مفبركة ولا تنطلي على عاقل ..فهل بتلك الكيفية يتم خداع الناس ؟ صورا ملقاة ارضا واخرى مكسرة وهي اللوحات غير الهامة تم رميها ارضها لتصويرها على كونها بفعل فاعل وووو والسيناريو كله من تاليف واخراج الجماعة العلمانية بالتعاون والتنسيق مع القناة البنفسجية وعدة اطراف باتت معلومة للراي العام التونسي .وملاحظة الموقع الذي نشر هاته الفيديوهات ودعا اليها قبل وقوعها كيف علم بان السلفيين سيهاجمون المعرض قبل ساعات ؟؟؟ وكيف جهز نفسه للتصوير ؟؟؟ على كل حال هذا الموقع الذي يسمي نفسه الثورة معروفا بالاكاذيب والاخبارالزائفة والثورة المضادة ومعلوما صاحبه من ازلام النظام البائد .

يتبع

المشاركة الأصلية كتبت بواسطة sniper-tun

تواصلا مع المقالين الأوّل والثاني، اليوم نختمو بهذا المقال الأخير بخصوص معرض الفن التشكيلي بفضاء العبدلية بالمرسى

اليوم، أيّها السيدات والسادة باش نحطوا كلّ اللوحات التي تمّ عرضها في هذا المعرض، باش يا سي المواطن يبدى كلّ شي على عينيك، ومن بعد نتعداو للوحات التي قيل أنّها تمسّ المقدّسات، أيّ برّا نبداو

هاني لميتلكم اللوحات مع بعضهم










باهي هاذم هوما اللوحات واللي بالطبيعة ما فيهمشي أي حاجة تمسّ بالمقدسات، صحيح ثمّة زوز لوحات انجموا نقولوا تنقد في السلفيين ويمكن يعتبروها استفزازية، لكن ثمة فرق كبير إنك تقول تستفز في السلفيين وإنّك تقول تتعدّى على المقدّسات، ولذا مالازمناش نخلطوا الأمور بين بعضها، أما من الناحية الفنية يمكن ما يعجبوكش وتقول توّة بربّي هذا فنّ تي هاو تافه برشة، وممكن يعجبوك وتقول هذا هو الفنّ! لكن في كلّ الأحوال هذي أمور ذوقيّة، وللناس فيما يعشقون مذاهب وكل واحد حر في ذوقو الشخصي وموش هذا موضوعنا وإنما السؤال هو هل هناك مسّ بالمقدّسات أم لا؟

توّة نتعدّاو للوحات اللي صار حولهم "البوليميك" وبالعاني خلّيتهم في الأخير باش ناخذوهم لوحة لوحة ونحكيو فيهم، أوّلا هاو مع بعضهم



بالطبيعة اللوحة اللي فيها الكعبة والبراق موش موجودة في المعرض، وكذلك التصويرة اللي فيها السترينغ ولذا ما نقعدوش نكعررو في الحكايات، وتوّة ناخذو ها الأربعة لوحات بالوحدة بالوحدة، ونبداو بالتصويرة متاع المرا العريانة والكسكسي

نعاودو نطرحو نفس السؤال: هل هناك تعدي على المقدسات؟ طبعا لا، تنجّم تقلّي يا خويا هذي موش صورة أخلاقيّة، تنجّم تقلّي راهي تافهة برشة من الناحية الفنيّة، لكن ما تنجمش تحكيلي على المقدسات
أما من الناحية الأخلاقية، فإني نطلب من القارئ إنو يعمل دورة مثلا في متحف باردو، أو أيّ متحف للفنّ سواء القديم أو المعاصر، أتاو يلقى صور أو منحوتات عارية، يعني هذا أمر يكاد يكون متعارف عليه في الفن، مالا وقتاش تولي تمس بالأخلاق؟
وقتلّي تخرج بيها في الشارع وتعرضها على الماشي والجاي، وقتها تتسمّى قاعد تعمل في استفزاز، لكن كي تعرض لوحتك في معرض مخصّص للفنّ عندو روادو، فهذا كيما زادة اللوحات العارية في متحف باردو أو أيّ متحف آخر يعني زادة مكان مخصّص وموش في الشارع، وبالتالي ما تتسماش قاعد تعتدي على الأخلاق لأنّك تعرض في فضاء مخصّص
أما من الناحية الفنية، فأنا شخصيّا لاقيها تاعبة برشة، وطبعا هذا ذوقي الشخصي، لكن نحترم ذوق اللي تعجبو واللي ما تعجبوش، فكما قلت كل واحد حر في ذوقو
انت شفت المراة العريانة ورايت انها حكاية حياء لا غير اما الصورة لم تكن كما رايتها انت ..فمن يقف وراء المراة ؟؟؟؟ الم تلاحظ هؤلاء القوم في اشارة الى المسلمين بالاساس والملتحين اساسا واللون الاسود الداكن على ماذا تدل كل تلك الاشارات ؟؟؟؟ الم تحلل ان المسلمين هم المقصودون باللوحة ؟ وكل ما يهمهم هو اشباع غرائزهم وان المراة مخلوقة لهاته الاشياء لاغير عبارة وهي لاشباع غرائز الرجل المادية والرجل المقصود هو المسلم كما تشير الصورة وتطغى عليها الالوان السوداء الداكنة ..؟؟؟ طبعا هذا لم يكن تحليلك فانت تنظر من منطلق المدافع ولم تنظر من منطلق محايدا ..

نتعداو للتصويرة الثانية وهي فيها طفل صغير واقف فوق عتبة، وموش واقف فوق المصحف كما يزعم البعض كذبا وزورا، الطفل هذا عندو كرتابة ورا ظهرو يخرج منها نمال ويرسم كلمة سبحان الله
بالطبيعة كي تحب تعمل منها حكاية تولّي مباشرة تهوّل وتقول: لا حول ولا قوّة إلاّ بالله، كاتبين كلمة سبحان الله بالحشرات
لكن كي تحبّ زادة تتناول المسألة بأكثر موضوعيّة ومن غير أحكام مسبّقة تولّي تعرف اللي سبحان الله تنجّم تكتبها بالنمال بالنحل بالدهن بالدم باللي تحب عليه، لأنو هذا تسبيح، وقد جاء في التنزيل "وإن من شيء إلاّ يسبّح بحمده" (الإسراء، آية 44) يعني كلّ شيء يسبّح بحمده، نمّال أشجار وديان حشرات، اللي تحبوا عليه، وكذلك قوله في سورة النور، آية 41: ألم تر أنّ الله يسبّح
له من في السماوات والأرض
وكذلك قوله: إن الله لا يستحي أن يضرب مثلا ما بعوضة فما فوقها (البقرة، 126)
يعني، وبنصّ القرآن، ما فمّاش أيّ داعي باش تعمل منها حكاية، إلاّ بالطبيعة كي تعمل بالعاني للتحريض معتمدا على جهل
المستمعين
هذا الراي ليس رايك وان كنت تسانده وانا اعرضه بشدة فالصورة التي بها المحفظة لم تكن الصورة الاصل بل فوتوشوب وتم نشرها على الانترنات من الاطراف المساندة والمدافعة عن الفن بلاحدود ..وطبعا ولاوا مسلمين ويستشهدوا بالقران الكريم ويحللوا ويناقشوا في الايات والاحاديث ..توا بركة عرفوها ..والنمل خارج من محفظة الطفل في اشارة على العلم ؟؟؟؟ ياسلام ..بل النمل نازل في خط عبارة عن حبل الى عنق الطفل وهو اشارة الى ان الله سبحانه تعالى يخنق الانسان ويقيد حريته بالاسلام او بالاديان منذ نشاته وما كلمة سبحان الله الا دليلا على الاسلام فمن يقولها غير المسلم ؟ ثم من جانب اخر اولم يلاحظ المدافعين عن الحريات ان الغرب الذي تعلموا منه لا يعبث بالحشرات والحيوانات مثلما فعل هذا المسمي نفسه فنان ؟ فان كان النمل حشرة محببة من الله فلماذا تم قتلها وتزيين كلمة سبحان الله بها ؟ اولم يكن هذا تناقظا وافتراء مفضوحا ؟ من ناحية النمل نزلت فيه سورة كاملة ومن جهة اخرى نقتلوه وتنزينوا بيه اسم الجلالة ؟؟ لم يجدوا من طيب الثمار الا الحشرات فهل بعد هذا من قذارة ودناءة ؟
نتعدّاو للوحة الثالثة وفيها ثلاث نساء كأنهنّ مدفونات لشطرهم وداير بيهم حجر
المعترضين على الحكاية قالوا اللي هذا نقد لحدّ الرجم، بينما حدّ الرجم أمر ثابت في الدين، وبالتالي تولّي تتعدّى على المقدّسات

الجواب ساهل برشة: حدّ الرجم ماهوش ثابت في الدين، ما ثابت كان عند اللي بالسيف يحبو يفرضو رؤيتهم، لكن في الحقيقة فيه اختلاف، أوّلا الرجم موش مذكور في القرآن، ثانيا الحديث الذي يعتمدون عليه لإثبات حدّ الرجم والمنسوب للفاروق هو ساقط من حيث المتن، حتّى وإن صحّ سنده، وليس مقام تفصيل هذا الموضوع هنا، وإيراد الأحاديث المختلفة وأحيانا المتناقضة، وإظهار الصنعة فيها وأنّها منسوبة زورا للصحابي العادل، وتبيين أنّ الرجم هو في الأساس حدّ يهوديّ توراتيّ دخل إلى الإسلام عبر بوّابة الأحاديث الموضوعة،حتّى وغن ذكر بعضها في الصحيح، فكلّ هذا لن نتعرّض له حتّى لا نثقل على القارئ ولا ندخله معنا في متاهات حديثيّة، وإنّما نقول اللي نقد حدّ الرجم وأنا شخصيّا ما نعتبروش من الإسلام، لا يُعتبر إطلاقا تعدّيا على المقدّسات

وهذه الصورة تنقد حدّ الرجم، وهو أن يوضع الشخص في حفرة إلى النصف ثمّ يرميو عليه الحجر لين يموت، وهذا طبعا أمر وحشي لا تقبله أيّ نفس سويّة، وهذا مثال حقيقي عن إمرأة باش يطبقوا عليها الرجم في إحدى البلدان المتخلّفة
ومن تكلم عن الرجم في تونس ؟ فهل بلغنا مرتبة يتم فيها تنفيذ الرجم حتى يتم تصويرها فنيا كعملية للنقد الفني ؟ وهل الفن ليس له من ابداع غير التركيز على المقدسات الاسلامية والمسلمين فحسب ؟ زليس هناك مجالات اخرى يمكن التطرق اليها والابداع فيها ؟؟؟؟؟ اولم توحي هذه ان التركيز على الاسلام والمسلمين والقران والرسول صل الله عليه وسلم والسلفيين والمراة والرجم والحياء والباس والسنة ووووو ان هؤلاء يكنون العداء الدفين لهاته المعتقدات ومعقدين بلغتنا العامية من الاسلام لدرجة انهم ليس لهم مجالا ولا ميدان اخر يبدعون فيه غيره ؟؟؟ ومن بعدي تقول لي اين هو الاعتداء على المقدسات ؟ تي اش جبدك فيها اصلا المقدسات ؟ شوف حاجة اخرى تلهاء بيها وتهم الشعب ومستقبله وتعتني بمعاناته وفقره وهمومه ومشاغله اوليست تلك هي القضايا المحورية الاساشسية لهذا الشعب ؟ ام التركيز على معتقدات الناس لدرجة المس منها والسخرية ثم اشعال الفتنة والبروز في الساحة كمظلومين ومنتهكين لحرياتهم في عهد الدولة الجديدة التي يقال انها الجمهورية الثانية اطرافها ينسبون الى الاسلام ؟؟؟




بقيت الصورة الأخيرة وهي صورة أربعة نساء موجودين في حلبة بوكس
هوما 4 نساء بنفس الوجه وموش متحجبين وإنما طريقة عملان شعرهم تظهر كأنهم متحجبين، وهاو شنوة مكتوب
وحدة مكتوبة: أنا مسيحية، والأخرى: أنا يهودية، والثالثة: أنا تونسية، والرابعة: محطوط فيها أغلب الجنسيات..
يعني الصورة هذي، اللي ديجا عاملتها امرأة، تدعو النساء إلى التعايش السلمي والاحترام مهما كان معتقدهم أو جنسيتهم، بالله فسرولي كيفاش تصويرة تدعو إلى السلم والتعايش مهما كان المعتقد أو الجنسيّة تولّي تمسّ بالمقدّسات؟
ثمّة شكون قال اشبيهم محطوطين في وسط حلبة متاع بوكس، وفي الحقيقة ما نعرفش ممكن تقصد إنو النساء يتعرضو للتعنيف من الرجال مهما كان الدين أو الجنسية، خاصة أنّ اللي عاملة المشهد هي مرا وممكن تدافع عن النساء، لكن المهم إنو ما فماش حتّى اعتداء على المقدّسات


هههه بربي توا بجدك تحكي ماثماش حتى مقصد للاعتداء والسخرية من الاسلام في هاته الصور؟؟ يعني نساء متحجبات وفي ساك امتاع بوكس وتقول ليس هناك اساءة ؟ ياسلام ..لم يجدوا غير المراة المتحجبة يعني المؤمنة والمسلمة بالاساس وهي مكانتها كما يرون حلبة للملاكمة للتعنيف وهضم الحقوق وغير ذلك ..وهذا ليس اعتداء ولاسخرية في نظرهم ...مالقاوش كان الحلبة امتاع البوكس لا فترينة ولا حديقة ولا ورود وازهار وووو كان البوكس والتعنيف للمراة المؤمنة المتحجبة وطبعا من يعنفهم غير الرجل المسلم ؟؟؟
نعاود نذكّر، قد لا تعجبك اللوحات وتراها أتفه من التافهة، لكن ثمّة فرق كبير إنو نقول فنّ تافه وبين نقولو تعدّي على المقدّسات، ثمّة فرق كبير إنّك تطفّيه وما تحسبوش بوصفو تافه وبين إنك تعمل مظاهرات لأجل الإعتداء على المقدّسات

شفتو كي ناخذو الأمور بالشويّة ونثبتو فيها نلقاو اللي الحكاية ما تستحقّش كلّ هذه الضجّة، وأنو ثمّة تلاعب بمشاعر الناش عن قصد لتجييش عواطفهم الدينية لأسباب أخرى،
وشكون الخاسر في الحكاية؟
الخاسر هو الروح اللي طاحت
ثمّة روح طاحت يا توانسة من أجل حكاية كي تشوفها تلقاها حلّ الصرة تلقى خيط، فهل سيكون لنا درسا ونتعلموا ما نسخنوش فيسع كي واحد يحرّك مشاعرنا الدينيّة ونثبتوا ونسمعو كلام كلّ الأطراف قبل؟
واخيرا لو اطلعت على اخر الفيديوهات التي نشرها هؤلاء الذين شاركوا في المعرض المنحوس وماقالوه عن رسوماتهم ولوحاتهم لما اكتشفت جوانب اخرى من الحقيقة وملخصها ان المقصود هو الاسلام والمسلمين وبالاخص السلفيين ..وان الاجواء غير ملائمة لهم للاستمرار في كفرهم والحادهم ان استمر الحال وهؤلاء موجودون في تونس وبالتالي كان خيارهم انتحاري بمعنى الكلمة وكانها قضية حياة او موت وبالتالي هم المبادرون بالاستفزاز وهم المتسببون في الاحداث ولربما الابحاث تكشف من يدعمهم سواء في الداخل او الخارج والمخططات التي تحاك ضد البلاد وشعبها .

طلعت عملة سلفية كالعادة
لكي الله يا تونس