ثمة ناس وثمة ناس
ثمة ناس بلاش احساس
وثمة ناس جثة بلا راس
وثمة ناس ماتعرف اخلاص
وثمة ناس ساكنها الوسواس
وثمة ناس مالكها الخناس
وثمة ناس تعشق الكاس
وثمة ناس حبق وبسباس
وثمة ناس عنصل وترفاس
وثمة ناس وثمة ناس
ثمة ناس هومة هومة
وثمة ناس مايشوفوا في الناس كان هومة
وثمة ناس احلى من العسل في القرجومة
وثمة ناس حلالف بلا زمزومة
وثمة ناس ملك الموت ولا هومة
وثمة ناس في الحكومة
وثمة ناس في المردومة
وثمة ناس في الدومة
وثمة ناس شادة ناس من الكرومة
ثمة ناس وثمة ناس
ثمة ناس ذهب والماس
وثمة ناس فونت قصدير ونحاس
وثمة ناس عندها حراس
وثمة ناس تمشي على ناس
وثمة ناس تمشي بناس
وثمة ناس زرابي في الكياس
وثمة ناس شادة ناس
وثمة ناس من ناس
وثمة ناس وردة في كاس
وثمة ناس هراوة فاس
وثمة ناس وثمة ناس
ثمة ناس هومة هومة
وثمة ناس مايعرفوا من الطيور كان البومة
وثمة ناس حبر في بلومة
وثمة ناس فحم مردومة
ثمة ناس ماعليهم لومة
وثمة ناس من حبة يعملوا كومة
وثمة ناس قبلتهم باريس ورومة
وثمة ناس اللي قاصدهم موش انتومة
وثمة ناس تلعب على البلاص
وثمة ناس حبس واحباس
وثمة ناس اسداس واخماس
وثمة ناس توجع الراس
وثمة ناس بكلها احساس
وثمة ناس تتباس
وثمة ناس تنداس
وثمة ناس احسن ناس
وثمة ناس انذال وانجاس
وثمة ناس لاباس
وثمة ناس على انفاس
وثمة ناس وثمة ناس
ثمة ناس عندها اصل وساس
وثمة ناس قدوتها فرانس مانداس
وثمة ناس تتحط على العين والراس
وثمة ناس تتساهل تهريسة بمهراس
ثمة ناس هومة هومة
والناس اللي نعشقها انتومة
وثمة ناس وثمة ناس
وان شاء الله هذا حد اللباس.
بتاريخ18 جوان2012 جوهرة -سوفت
2012-06-18, 22:19
ثمة ناس وثمة ناس.
العرض العادي
