منتديات جوهرة سوفت - Jawhara-Soft Forums منتديات جوهرة سوفت - Jawhara-Soft Forums


العودة   منتدى التعليم التونسي (Jawhara-Soft) > التعليم و الثقافة > خواطر و مقالات أدبيّة

الملاحظات

خواطر و مقالات أدبيّة بخفق الورق و رحابة الحرف نرتقي إلى أكوان الرحابة .. قصة ، شعر ، فلسفة ، خواطر و مقالات أدبيّة

محرك بحث المنتدى بدعم من قوقل





إضافة رد
 
أدوات الموضوع انواع عرض الموضوع
قديم 2012-05-11, 21:33 رقم المشاركة : 1
معلومات العضو
اشكي للعروي
قلم مميز بالمنتدى العام

إحصائية العضو





اشكي للعروي has a reputation beyond reputeاشكي للعروي has a reputation beyond reputeاشكي للعروي has a reputation beyond reputeاشكي للعروي has a reputation beyond reputeاشكي للعروي has a reputation beyond reputeاشكي للعروي has a reputation beyond reputeاشكي للعروي has a reputation beyond reputeاشكي للعروي has a reputation beyond reputeاشكي للعروي has a reputation beyond reputeاشكي للعروي has a reputation beyond reputeاشكي للعروي has a reputation beyond repute

اشكي للعروي غير متواجد حالياً


Icon5 اخي باش تتقاعد؟ والا مازلت قاعد ؟ ويني ايامك ياتقازة؟






باش تتقاعد ؟ والا مازلت قاعد ؟ اليوم موضوعي بالعامية ..على خاطرها تفتح الشاهية اكثر من غيرها في الكلام ..وبما ان الكلام هذا مجاني ولا تسعيرة منخفضة ولا مشطة ولا صندوق دعم امتاع دولة ولا اعانة والا قرض من منظمات انسانية دولية او عربية اسلامية او وطنية ..يقولوا ناس بكري كلام الليل مدهون بالزبدة ..ايه ياحسرة ويازمان على ايام ياسعدوني الخير بزايد ..ويني الزبدة والسمن العربي ؟ توا كلام الليل كي كلام النهار وكليهما مدهونين حاشاكم بمشتقات البترول المهرب بين قوسين على خاطر امتاعنا غالي اغلى من البشر ..ايا اش علينا موش هذا موضوعنا ..وخلي الخنار مخبي ..ويني ايامك ياتقازة ؟ كانت تجيبها سحري وبحري ..واللي يسمعها يقول جابتها قد قد ..تنقي حاشاكم الشعر من الجعين ..وكلامها يتحط على الجرح يبرى ..قال عمنا الصيد الاسد باللغة العربية لللبوة كيف قالت فيه كلام لاهو لاهو ..قالت عليه في غيابه في جمع من الحيوانات كي سالوها اش رايك في عمنا الصيد حاكمنا وحاكم عيالنا وحامينا وحامي ترابنا ؟ قالت عمكم الصيد هايل برشى وطيب ويحبكم لله في سبيل الله ويعمل في الخير وما يسالش ..معاشر ويحب العشرة ..اما العيب الوحيد اللي فيه هو حاشاكم فمه ابخر ..وكان سي الصيد يتصنت ويسمع في كلامها متخبي ..عاد اخذا في خاطره وحزت في نفسه كلمة العيب ..وخباها في قلبه ودسها وعمل مولى المول موش اهنا ..وبعد مارجعت اللبوة للعرين قاللها واحكم عليها تضربه ضربة قوية على راسه في جبته ..وبعدها بدات تداوي فيه من الجرح حتى للي ابرا وارتاح منه ..وقتها جاء وقت الحساب وقاللها الجملة المشهورة " الجرح يبرا ياصبرا " اسم اللبوة " وتهواه الضميدة وكلمة العيب تتنساء وتصبح جديدة " وانزل عليها بمغالبه ضربة لا يوريها لحبيب ...عاد اش امدخل سعد في مسعود ؟ وحكايتي موش هذه اما بما انها تفريغة قلب وعدي والعروي اصله امتاع حكايات ناس بكري هاوكة حديث يجبد حديث وان شاء الله ما تقلقوش ..ولدي قال لي " بابا اخي باش تتقاعد والا مازلت قاعد ؟ عجبني سؤاله البريئ قتله وليدي انا ماضابي على الاثنين كان لزم ..وبيناتنا هذا السؤال حير مواجعي وذكرني باصلي وفصلي وحكايات ايام زمان ..ارجعت انفبري بلاش شارج ..قلت كيفاش نتقاعد وكبارات الحومة لا واحد فيهم علق الصباط ؟ كباراتنا دازين عليها صبيغة ومردومة ويغطوا في الشيب ويتقزدروا ويفيشوا وعاملين فيها ابطال اخر الزمان ..هذا اية الله العظمى كي السيستاني يزوروا فيه للبركة شياب وذراري ولاخر يبوسوله في ايده وراسه تقولش عليه سيدي محرز والا سيدي عبد القادر ولاخر يتملص ويتزحزح من بليصة يترسكى في بليصة اخرى وبعد ما دار فيها كالزربوط وشد عشرات المسؤوليات ولبس كل العباءات ما حبش يتكى ويتقاعد ويقعد بلا تفركيح وتشعبيط الحيوط امتاع الذري ..الحاصيلوا منين انشب نلقى منهم غار نمال ما تتحسبش ..قلت توا هذوما شادين فيها الدنيا وعاملين فيها قماقم وبانين فيها عرس وكراسي لاشبعوا ولا كلوا ولاملوا ديمة زاهية عندهم ومعنقرين الشاشية وكل يوم يحطوها على راس واحد منهم ..يعطيها اخذة ها الدنيا ولا واحد فيها اتقاعد ومد ساقيه واثنى ركايبه ورجع لربي والموت تاكل واتغذي واتفضل ..وانا خوكم انهلوس وسابح في ملك ربي ونحسب فيها سداس اسداس ..اطرشق علي المنداف ..المرا جاء دورها وقالتلي " اخي التوا مازلت قاعد في ها البلاصة ؟ ايا اتقعد خير ماانقول اش يقول فمي " وقتها رجعلي شاهد العقل ولقيت روحي قاعد انكور وحدي ..وبونتواتي بكلها اورجو متسللة ..ايا هاني باش نتقعقد اما التقاعد مازال بكري عليه ..وبيناتنا البشر ما ياخذ التقاعد ويقعد حاشاكم كان كي يتوسد السبيدري .....
بخاطركم


  رد مع اقتباس


إضافة رد

المواضيع المتشابهه
الموضوع كاتب الموضوع المنتدى مشاركات آخر مشاركة
ستيفن جيرارد : لازلت أثق بموسم ناجح Dandoun رياضة عالمية وعربية 0 2010-08-17 12:12




أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 02:21.


Powered by vBulletin®
Copyright ©2000 - 2016, Jelsoft Enterprises Ltd
جميع الحقوق محفوظة 2010-2016 ©  منتديات جوهرة سوفت